TRENDING:
जिल्हाधिकाऱ्यांची घेणार भेट, ठाकरेंनाही साकडं
प्रशासनाच्या या निर्णयाविरोधात 'आम्ही गिरगावकर' संघटना आक्रमक झाली आहे. संघटनेचे प्रतिनिधी लवकरच मुंबईच्या जिल्हाधिकाऱ्यांची भेट घेऊन हा निर्णय रद्द करण्याची मागणी करणार आहेत. केवळ प्रशासकीय पातळीवरच नव्हे, तर राजकीय पाठबळ मिळवण्यासाठी ही संघटना आता शिवसेना ठाकरे गटाचे पक्ष प्रमुख उद्धव ठाकरे आणि मनसे अध्यक्ष राज ठाकरे यांची भेट घेणार आहे. या दोन्ही नेत्यांनी गिरगावकरांच्या बाजूने उभे राहावे, अशी विनंती संघटनेकडून केली जाणार आहे.
advertisement
रस्त्यावर उतरून आंदोलन करणार
या प्रकरणावर बोलताना आम्ही गिरगावकर संघटनेच्या पदाधिकाऱ्यांनी स्पष्ट इशारा दिला आहे की, जर हा निर्णय मागे घेतला नाही, तर गिरगावकर रस्त्यावर उतरून तीव्र आंदोलन करतील. ऐतिहासिक वारसा लाभलेले हे मैदान खाजगी संस्थेच्या हाती देण्यास आमचा शेवटपर्यंत विरोध राहील, असे त्यांनी सांगितले.
मराठी-जैन वादाचा नवा अंक?
कबुतरखान्याच्या मुद्यावरून जैन समुदाय आणि मराठी भाषिक आमनेसामने आल्याची स्थिती निर्माण झाली होती. जैन समुदायाच्या आंदोलनानंतर मराठी संघटना आक्रमक झाल्या होत्या. त्यानंतर विल्सन जिमखाना मैदानाच्या मुद्यावरून आम्ही गिरगावकर संघटना आक्रमक झाली आहे. खेळाच्या मैदानावर खेळच खेळले गेले पाहिजेत. त्या जागी धार्मिक शैक्षणिक पाठशाळा चालवण्याचा प्रयत्न क्रीडा संस्कृतीला धक्का देणारा असल्याचा आरोप करण्यात आला होता. हा लढा फक्त मैदानाचा नाही हा आपल्या सांस्कृतिक, क्रीडात्मक अस्तित्वाचा लढा असल्याचे सांगण्यात आले होते.