TRENDING:
भोंदू खरात हा महिलांना जाळ्यात ओढण्यासाठी आपल्याकडे दैवी शक्ती असल्याचा दावा करत असे. तुझ्या शरीरातील दोष दूर करण्यासाठी माझ्याशी शारीरिक संबंध ठेवावे लागतील," असा मानसिक दबाव तो महिलांवर टाकत असे. दोष मोठा असल्याचे सांगून तो अनेकदा महिलांचे शोषण करत असे. धक्कादायक म्हणजे, पीडित महिला गर्भवती राहू नयेत यासाठी त्यांना गुपचूप गर्भनिरोधक गोळ्या दिल्या जात होत्या.
advertisement
नाशिकमधील बडे डॉक्टर अडकणार?
एसआयटीने मागील काही दिवसात नाशिकमधील काही डॉक्टरांची कसून चौकशी केली. या चौकशीत काही महत्त्वाच्या बाबी समोर आल्याची माहिती आहे. महिलांच्या लैंगिक शोषणात खरातला मदत करणाऱ्या दोन डॉक्टरांची नावे तपासाच्या कक्षेत आली आहेत. यातील एक डॉक्टर राजकीय पार्श्वभूमी असलेला, तर दुसरा पंचवटी परिसरातील नामांकित व्यावसायिक असल्याची चर्चा आहे. या डॉक्टरांच्या सल्ल्यानेच खरात महिलांना गुंगीची औषधे आणि गर्भपाताच्या गोळ्या पुरवत असल्याचा संशय आहे. लवकरच या पांढरपेशी गुन्हेगारांची नावे जाहीर होण्याची शक्यता आहे.
अशोक खरातने नाशिकमधील काही डॉक्टरांशी संगनमत करून 'ओशनो जल' या नावाखाली महिलांना गुंगीची औषधे आणि वेदनाशामक गोळ्या दिल्याचे तपासात उघड झाले आहे. इतकेच नव्हे, तर अत्याचारामुळे गर्भवती राहिलेल्या एका पीडितेचा गर्भपात करण्यासाठी खरातने चक्क आपल्या 'ओकस' कार्यालयातच तिला गर्भपाताच्या गोळ्या दिल्याचा धक्कादायक प्रकार समोर आला आहे. महिलेचे लैंगिक शोषण आणि गर्भपात केल्याच्या गुन्ह्यात आज कोर्टात सुनावणी होणार आहे.