TRENDING:
एकाच पतसंस्थेत ३२ खाती!
तपासादरम्यान पोलिसांना धक्कादायक माहिती मिळाली आहे. नामकर्ण आवारे याच्या जगदंब पतसंस्थेत अशोक खरातची तब्बल ३२ बँक खाती असल्याचे उघड झाले आहे. या खात्यांमधून गेल्या काही काळात कोट्यवधी रुपयांची संशयास्पद देवाण-घेवाण झाली आहे. भोंदूगिरीतून जमा केलेला काळा पैसा पांढरा करण्यासाठी किंवा तो लपवण्यासाठी या खात्यांचा वापर केला गेल्याचा संशय पोलिसांना आहे.
advertisement
'सिद्धपुरुष' म्हणणारा आवारे रडारवर
अशोक खरात हा कोणी साधा माणूस नसून तो एक 'सिद्धपुरुष' आहे, असा प्रचार नामकर्ण आवारे लोकांमध्ये करत असे. खरातच्या भोंदूगिरीला दैवी स्वरूप देऊन भाविकांची फसवणूक करण्यात आवारेचा मोठा हात असल्याचे बोलले जात आहे. आवारेने आपल्या पतसंस्थेच्या माध्यमातून खरातला आर्थिक सुरक्षा पुरवली होती का? आणि या व्यवहारांमध्ये इतर कुणाचे हितसंबंध गुंतले आहेत का? याचा शोध आता शिर्डी पोलीस घेत आहेत.
मोठ्या आर्थिक घोटाळ्याचा पर्दाफाश होणार?
नामकर्ण आवारेची कसून चौकशी सुरू असून पतसंस्थेचे सर्व व्यवहार पोलीस तपासून पाहत आहेत. ३२ खात्यांमधील ट्रान्झॅक्शन कोणाकोणाशी झाले, हे समोर आल्यास या प्रकरणात नाशिक आणि सिन्नरमधील अनेक बड्या धेंडांचे धाबे दणाणण्याची शक्यता आहे. या तपासात खरातच्या बेनामी संपत्तीचे मोठे घबाड पोलिसांच्या हाती लागण्याची चिन्हे आहेत.