TRENDING:
बीटापासून तयार होणारी कोशिंबीर बनवण्यासाठी लागणारं साहित्य
बीट, तेल, मोहरी, जिरे, हिरवी मिरची, कढीपत्ता, साखर, शेंगदाणा, कोथिंबीर, मीठ चवीनुसार हे साहित्य लागेल.
कोशिंबीर कृती
सुरुवातीला बीट स्वच्छ धुवून त्याचा देठाकडील भाग कापून घ्या. त्यानंतर बीटाची साल काढून बारीक जाळीच्या किसणीने किसून घ्यावी. किसल्यानंतर त्यातील पाणी नीट पिळून काढून किस मोकळा करून घ्या. आता फोडणी करून घ्या. एका भांड्यात तेल गरम करून त्यात मोहरी, जिरे, कढीपत्ता आणि हिरवी मिरची घालून फोडणी द्यावी. फोडणी पूर्णपणे थंड होऊ द्या.
advertisement
यानंतर बीटाच्या किसामध्ये मीठ, साखर आणि शेंगदाण्याचा कूट घालून चांगले मिक्स करावे. थोडी कोथिंबीर घालून पुन्हा मिक्स करावे. त्यात दोन टेबलस्पून सायीचे दही घालून एकजीव करावे. शेवटी गार झालेली फोडणी घालून हलक्या हाताने मिक्स करावे. वरून कोथिंबीर घालून सजवावे. ही बीट कोशिंबीर तुम्ही जेवताना तोंडी लावू शकता किंवा नुसती खायला देखील ही चविष्ट लागते.