Summer Recipe : पारंपरिक चवीचा अस्सल विदर्भातील पदार्थ, उन्हाळ्यात बनवा खास सरगुंडे, रेसिपीचा संपूर्ण Video

यानंतर या पिठात पाणी घालून ते व्यवस्थित भिजवले जाते. या भिजलेल्या पिठाची लाटी तयार करून घेतली जाते. लाटी तयार झाल्यानंतर सर म्हणजेच गव्हाचे धांडे वापरून त्यावर फिरवत सरगुंडे तयार केले जातात. या प्रक्रियेत गव्हाची गुणवत्ता चांगली असणे महत्त्वाचे ठरते, कारण त्यामुळे लाटी तुटत नाही आणि सरगुंडे नीट तयार होतात.

तयार झालेले सरगुंडे प्रथम थोडा वेळ वाळवून घेतले जातात. साधारण 10 ते 15 मिनिटांनंतर ते सरातून वेगळे करून पुन्हा एक दिवस उन्हात चांगले वाळवले जातात. पूर्णपणे वाळल्यानंतर हे सरगुंडे साठवून ठेवता येतात. खाण्याच्या वेळी सरगुंडे उकळून त्यांना आमरसासोबत खाल्ले जाते. तसेच तिखट मसाल्यातही ते चविष्ट लागतात. पारंपरिक पद्धतीने तयार होणारे हे सरगुंडे आजही विदर्भातील उन्हाळी संस्कृतीचा अविभाज्य भाग मानले जातात.