TRENDING:
वाईट स्वप्नातून जागं व्हायचंय
सुमित कपूरची मुलगी सान्या हिने सोशल मीडिया पोस्टमध्ये हा अपघात एक गहन आणि भयानक अनुभव असल्याचं सांगितलं आहे. सान्या अजूनही तिचे वडील आता या जगात नाहीत हे सत्य स्वीकारण्यास संघर्ष करत आहे. तिच्या वडिलांना आठवत सान्या म्हणाली की ते तिला "झाशीची राणी" म्हणत असत.
'मी हे का लिहित आहे हे मला माहित नाही, पण मी एखाद्या चमत्कारासाठी प्रार्थना करते आणि तुम्ही ते वाचाल. हे एका वाईट स्वप्नासारखे वाटते ज्यातून मी जागी होऊ इच्छित आहे. मी अजूनही हे समजून घेण्याचा प्रयत्न करत आहे. मी या आशेवर आहे की तुम्ही मला फोन कराल आणि म्हणाल, 'माझी झाशीची राणी कुठे आहे?', असं सान्या म्हणाली आहे.
advertisement
'मी तुमच्यावर खूप प्रेम करते आणि नेहमीच बाबांची देवदूत राहीन. हे दुःस्वप्न लवकरच संपावे आणि तुमच्याशी फोनवर बोलावं अशी इच्छा आहे. तुम्ही आकाशावर राज्य करण्यासाठी जन्माला आला आहात आणि तुम्ही जे प्रेम केले ते करत शेवटचा श्वास घेतला. सर्वोत्तम वडील, सर्वोत्तम पायलट आणि सर्वात गोड व्यक्ती, तुम्ही खूप लवकर गेलात', असं सान्याने तिच्या पोस्टमध्ये म्हटलं आहे.
कॅप्टन सुमित कपूरच्या मुलीने तिच्या वडिलांना लिहिलेली ही चिठ्ठी हृदयस्पर्शी आहे. अजित पवार विमान अपघातात मृत्यूमुखी पडलेल्या पाच जणांमध्ये सुमित कपूर यांचाही समावेश होता. त्या दिवशी सुमित अजित पवार यांचे विमान चालवत होते. अपघातानंतर सुमित यांच्या कुटुंबाची अवस्था अत्यंत वाईट आहे. त्यांच्या मुलीला अजूनही विश्वास बसत नाही की तिचे वडील आता गेले आहेत. तो परत येणार नाही हे माहित असूनही, ती वडिलांचा आवाज ऐकण्यासाठी आतुर आहे.