TRENDING:
मिळालेल्या माहितीनुसार, मतदान केंद्रातील खोली क्रमांक १ मध्ये ठेवण्यात आलेल्या मतदान यंत्राची तोडफोड करण्यात आली. या घटनेमागे भाजपच्या कार्यकर्त्यांचा हात असल्याचा गंभीर आरोप शिवसेना शिंदे गटाचे जिल्हाप्रमुख सतीश महाले यांनी केला आहे.
सतीश महाले यांनी केलेल्या आरोपानुसार, भाजपच्या काही कार्यकर्त्यांनी खोली क्रमांक १ मध्ये घुसून शिवीगाळ करत मतदान यंत्रांची तोडफोड केली. या प्रकारामुळे मतदान प्रक्रियेवर परिणाम होण्याची शक्यता निर्माण झाली असून, मतदान केंद्रावर काही काळ तणावाचे वातावरण होते.
advertisement
या प्रकरणात दोषींवर तात्काळ गुन्हे दाखल करून अटक करण्यात यावी, अशी जोरदार मागणी शिवसेना शिंदे गटाचे जिल्हाप्रमुख सतीश महाले यांनी केली आहे. दरम्यान, या घटनेनंतर निवडणूक प्रशासन आणि पोलिसांनी परिस्थितीवर नियंत्रण मिळवले असून, पुढील कारवाईकडे सर्वांचे लक्ष लागले आहे.