या सगळ्या प्रकारानंतर राज ठाकरे यांनी गोंधळ घालणाऱ्या प्रकाश बोरकर याला तात्काळ पक्षातून निष्काशीत केलं. इथून पुढे पक्षात बेशिस्तपणे वागणाऱ्यांवर कशा पद्धतीने कारवाई होईल याचा नमुना दिला असल्याचं पक्षाचे सरचिटणीस राजू उंबरकर यांनी सांगितलं.
मनसेच्या दोन गटात हाणामारी
आगामी विधानसभा निवडणुकीच्या पार्श्वभूमीवर मनसे अध्यक्ष राज ठाकरे हे सध्या विदर्भाच्या दौऱ्यावर आहेत. राज ठाकरे यांचा 26 ऑगस्टपर्यंत विदर्भ दौरा असणार आहे. राज ठाकरे यांचा आज चंद्रपुरात पक्षाच्या पदाधिकारी आणि कार्यकर्त्यांसोबत बैठकीचा कार्यक्रम आयोजित करण्यात आला होता. पण त्यांच्या बैठकीनंतर ते पुढच्या दौऱ्यासाठी निघताच सभागृहातच मनसेच्या दोन गटात तुफान राडा झाला. दोन्ही गटाच्या कार्यकर्त्यांनी एकमेकांना हाणामारी केली. ही हाणामारीची घटना कॅमेऱ्यात कैद झाली आहे.
advertisement
वाचा - विधानसभेपूर्वी राज्यात घडामोडींना वेग! पृथ्वीराज चव्हाणांनी घेतली जरांगेंची भेट
राजुरा विधानसभा मतदारसंघात सचिन भोयर याच्या उमेदवारीला विरोध करत भोयर समर्थक आणि दुसरे इच्छुक चंद्रप्रकाश बोरकर समर्थकांमध्ये हाणामारी झालेली पाहायला मिळाली. बैठकीत गोंधळ घालणाऱ्या प्रकाश बोरकरची पक्षातुन हकालपट्टी करण्यात आली आहे. राज ठाकरे यांनी पक्षात बेशिस्त खपवून घेणाऱ्यांवर कडक कारवाईचा इशारा दिला आहे.