TRENDING:

Sambhajinagar : बियरच्या डिलिव्हरी ट्रकचा भीषण अपघात, ड्राईव्हरचा जीव वाचवायचं सोडून नागरिकांनी पळवल्या बाटल्या, संतापजनक घटना!

Last Updated:

Sambhajinagar Accident : पलटी झाल्यामुळे ट्रकमधून रस्त्यावर बियरच्या बॉटलचा सडा पडला. यामुळे रस्त्यावर मोठ्या प्रमाणात काचेचे तुकडे आणि बियर सांडल्याचे चित्र दिसत होते.

impactshort
इम्पॅक्ट शॉटतुमचा गेटवे लेटेस्ट न्यूज
advertisement
Sambhajinagar Accident News : महाराष्ट्रातील छत्रपती संभाजीनगर शहरातील वाळूज एमआयडीसी परिसरात एक मोठी दुर्घटना घडल्याचे समोर आले आहे. या दुर्घटनेमुळे परिसरात काही काळ गोंधळाचे वातावरण निर्माण झाले होते. ट्रकचा चालक केबिनमध्ये अडकलेला असताना नागरिकांची वेगळीच गडबड सुरू होती. त्यामुळे संताप व्यक्त केला जातोय. घटनेची माहिती मिळताच वाळूज एमआयडीसी पोलिसांनीतातडीने घटनास्थळी धाव घेतली आणि परिस्थिती नियंत्रणात आणण्यास सुरुवात केली. हा अपघात नेमका कशामुळे झाला, याची चौकशी पोलिसांकडून केली जात आहे.
Beer delivery truck accident citizens stole bottles
Beer delivery truck accident citizens stole bottles
advertisement

बियरची डिलिव्हरी ट्रकचा अपघात

मिळालेल्या माहितीनुसार, रांजणगाव रस्त्यावरून बियरची डिलिव्हरी घेऊन जाणारा एक ट्रक जात असताना हा अपघात झाला. रस्त्यावर अचानक समोर आलेल्या एका व्यक्तीला वाचवण्याच्या प्रयत्नात चालकाचा ताबा सुटला आणि ट्रक त्याच ठिकाणी पलटी झाला. हा अपघात इतका भीषण होता की, पलटी झाल्यामुळे ट्रकमधून रस्त्यावर बियरच्या बॉटलचा सडा पडला. यामुळे रस्त्यावर मोठ्या प्रमाणात काचेचे तुकडे आणि बियर सांडल्याचे चित्र दिसत होते.

advertisement

बियरचे बॉक्स पळवण्यासाठी झुंबड

दरम्यान, या घटनेनंतर जे दृश्य पाहायला मिळाले, ते अत्यंत धक्कादायक होते. ट्रकचा चालक केबिनमध्ये अडकलेला असताना आणि त्याला तातडीने मदतीची गरज असताना, मदतीसाठी धाव घेण्याऐवजी काही नागरिकांनी बाटल्या पळवण्यावर जोर दिला. रस्त्यावर पडलेले बियरचे बॉक्स पळवण्यासाठी लोकांनी एकच झुंबड केली. अडकलेल्या चालकाला वाचवायचे सोडून, लोक बियर घेऊन पळताना दिसत होते. या विचित्र घटनेमुळे माणुसकीला काळीमा फासल्याचे बोलले जात आहे. सुदैवाने, या अपघातात मोठी मनुष्यहानी झाल्याची माहिती नाही, अशी माहिती मिळाली आहे.

advertisement

पाहा Video

टॉप व्हिडीओज

सर्व पहा
चिमुकल्याची कमाल! 2 मिनिटांत ओळखले 45 कार ब्रँड्स, बुक ऑफ रेकॉर्ड्समध्ये नोंद
सर्व पहा

दरम्यान, या घटनेनंतर माणुसकी संपली की काय? असा सवाल विचारला जात आहे.

मराठी बातम्या/महाराष्ट्र/छ. संभाजीनगर/
Sambhajinagar : बियरच्या डिलिव्हरी ट्रकचा भीषण अपघात, ड्राईव्हरचा जीव वाचवायचं सोडून नागरिकांनी पळवल्या बाटल्या, संतापजनक घटना!
बातम्या
फोटो
व्हिडिओ
लोकल