TRENDING:
सावित्री नगर, चिकलठाणा येथील मीरा संजय जाधव (वय 45) या काही दिवसांपासून पोटदुखी आणि पोटात गाठ जाणवत असल्याने उपचारासाठी जिल्हा रुग्णालयात दाखल झाल्या होत्या. डॉक्टरांनी तपासणी केल्यानंतर त्यांच्या सोनोग्राफी आणि एमआरआय चाचण्या केल्या. या तपासणीत उजव्या अंडाशयात सुमारे 15 बाय 14 बाय 10 सेंटीमीटर आकाराची मोठी ओव्हेरियन सिस्ट असल्याचे निदान झाले. रुग्णाची प्रकृती लक्षात घेऊन शस्त्रक्रियेचा निर्णय घेण्यात आला.
advertisement
'गॅस कनेक्शन बंद होणार' तुम्हालाही असा कॉल आला तर सावधान, 14 लाखाची फसवणूक
एक्सप्लोरेटरी लॅपरोटॉमी पद्धतीने ही गाठ यशस्वीपणे काढण्यात आली. सिव्हिल सर्जन डॉ. मुदखेडकर यांच्या मार्गदर्शनाखाली डॉ. कविता जाधव, डॉ. स्मिता चव्हाण, डॉ. वेडेकर आणि डॉ. शुभांगी यांनी ही शस्त्रक्रिया पार पाडली.
शस्त्रक्रियेनंतर रुग्णाची प्रकृती स्थिर असून पुढील उपचार सुरू असल्याची माहिती देण्यात आली. या शस्त्रक्रियेदरम्यान अॅनेस्थेशिया विभागातील डॉ. वासुकर, डॉ. संजय चव्हाण, डॉ. विजय केंद्रे, डॉ. प्रवीण आणि त्यांच्या टीमने प्रथमच एपिड्युरल अॅनेस्थेशियाचा यशस्वी वापर केला. ऑपरेशन थिएटरचे व्यवस्थापन ओटी इंचार्ज अनिता जरवळ, रश्मी सिस्टर, घोडके सिस्टर तसेच गणेश यांनी पाहिले.