रुग्णालयात आलेल्या ‘त्या’ महिलांना हेरायचा, मोबाईल नंबर द्यायचा अन्..., कंत्राटी कर्मचाऱ्याचं कांड, छ. संभाजीनगरात खळबळ

छत्रपती संभाजीनगर : गर्भलिंगनिदान आणि बेकायदेशीर गर्भपात करणाऱ्या टोळीचे धक्कादायक जाळे शहरात उघडकीस आले आहे. या प्रकरणात मनपा रुग्णालयातील कंत्राटी कर्मचाऱ्याचाच सहभाग असल्याचे तपासातून समोर आले आहे. रुग्णालयात तपासणीसाठी येणाऱ्या गर्भवती महिलांची माहिती टोळीपर्यंत पोहोचवून त्यांना गर्भलिंगनिदानासाठी प्रवृत्त केल्याच्या आरोपावरून शंकर आढाव (वय 27) या कर्मचाऱ्याला एमआयडीसी सिडको पोलिसांनी अटक केली. दरम्यान, या रॅकेटचा मुख्य सूत्रधार कुख्यात रेडिओलॉजिस्ट डॉ. संतोष सोनवणे याच्यासह इतर साथीदार सध्या फरार आहेत.