पोटदुखीचा त्रास, ‎तपासणीत महिलेच्या अंडाशयात दिसलं असं काही, तातडीची शस्त्रक्रिया करत डॉक्टरांनी वाचवला जीव

सावित्री नगर, चिकलठाणा येथील मीरा संजय जाधव (वय 45) या काही दिवसांपासून पोटदुखी आणि पोटात गाठ जाणवत असल्याने उपचारासाठी जिल्हा रुग्णालयात दाखल झाल्या होत्या. डॉक्टरांनी तपासणी केल्यानंतर त्यांच्या सोनोग्राफी आणि एमआरआय चाचण्या केल्या. या तपासणीत उजव्या अंडाशयात सुमारे 15 बाय 14 बाय 10 सेंटीमीटर आकाराची मोठी ओव्हेरियन सिस्ट असल्याचे निदान झाले. रुग्णाची प्रकृती लक्षात घेऊन शस्त्रक्रियेचा निर्णय घेण्यात आला.

‎शस्त्रक्रियेनंतर रुग्णाची प्रकृती स्थिर असून पुढील उपचार सुरू असल्याची माहिती देण्यात आली. या शस्त्रक्रियेदरम्यान अॅनेस्थेशिया विभागातील डॉ. वासुकर, डॉ. संजय चव्हाण, डॉ. विजय केंद्रे, डॉ. प्रवीण आणि त्यांच्या टीमने प्रथमच एपिड्युरल अॅनेस्थेशियाचा यशस्वी वापर केला. ऑपरेशन थिएटरचे व्यवस्थापन ओटी इंचार्ज अनिता जरवळ, रश्मी सिस्टर, घोडके सिस्टर तसेच गणेश यांनी पाहिले.