TRENDING:
प्रवेशोत्सवानिमित्त विद्यार्थ्यांची रथातून भव्य मिरवणूक काढण्यात आली. ढोल-ताशांच्या गजरात आणि फुलांच्या वर्षावात ग्रामस्थांनी चिमुकल्यांचे स्वागत केले. या उपक्रमामुळे विद्यार्थ्यांना शाळेच्या पहिल्याच दिवशी विशेष सन्मान मिळाल्याची भावना निर्माण झाली. शाळा परिसर आकर्षक सजावटीने सजवण्यात आला होता. शिक्षकांनी औक्षण करून विद्यार्थ्यांचे स्वागत केले, तर पालकांनीही मोठ्या संख्येने उपस्थित राहून कार्यक्रमाची शोभा वाढवली.
advertisement
गुढीपाडव्याचा मुहूर्त, पुणेकरांची वाहन खरेदी, कार की दुचाकी कशाला पसंती?
विद्यार्थ्यांच्या आनंदासाठी शाळेत पाणीपुरीचा स्टॉल उभारण्यात आला होता. तसेच हाताचे रंगीत ठसे उमटवण्यासारखे सर्जनशील उपक्रमही घेण्यात आले. मिरवणुकीनंतर विद्यार्थ्यांचा वर्गात प्रवेश फुलांच्या वर्षावात करण्यात आला, ज्यामुळे विद्यार्थ्यांमधील भीती कमी होऊन आत्मविश्वास वाढल्याचे दिसून आले.
महाराष्ट्र राज्य प्राथमिक शिक्षक संघाच्या “गुढीपाडवा प्रवेश वाढवा” या अभियानाचीही यावेळी सुरुवात करण्यात आली. प्रत्येक मुलाला शाळेत आणण्याबरोबरच गुणवत्तापूर्ण शिक्षण देण्याचा संदेश यावेळी देण्यात आला.
या कार्यक्रमासाठी शालेय व्यवस्थापन समितीचे अध्यक्ष खलील पटेल, उपाध्यक्ष अशोक कांबळे, केंद्रप्रमुख दत्तात्रय दाणेकर, मुख्याध्यापिका अंजली पुऱ्हे तसेच सर्व शिक्षक आणि अंगणवाडी सेविकांनी पुढाकार घेतला. एकूणच, ढोरेगावातील हा प्रवेशोत्सव शिक्षणाबद्दल जागरूकता निर्माण करणारा उपक्रम ठरला.