छत्रपती संभाजीनगर जिल्ह्यातील दौलताबाद परिसरातील धरमपूर येथील प्लॉट क्रमांक 16 येथे 48 वर्षीय रुचिका अजित जैन राहते. रुचिका लष्कराचा गणवेश वापरत असल्याची माहिती पोलिसांना मिळाली. या आधारे 11 सप्टेंबर रोजी पोलिसांनी तिच्या घरावर छापा टाकला. या छाप्यात रुचिका जैन हिच्याकडून दोन प्रकारचे लष्करी गणवेश (युनिफॉर्म) जप्त केले. त्यावर कॅप्टन रैंकचे स्टार्स आणि 'स्पेशल फोर्स'चे बॅचेस लावले होते.
advertisement
Chhatrapati Sambhajinagar: दुसऱ्याच्या BMW वर शायनिंग मारली! Video व्हायरल होताच थेट जेलची वारी
यासोबतच 'डेबोनार सेक्युरिटी पीपल' असे लिहिलेले बनावट ओळखपत्र, लष्करी गणवेशातील तिचे फोटो असलेली फ्रेम, विविध संस्थांकडून मिळालेली सन्मानचिन्हे, पुरस्कार, निमंत्रण पत्रिका, टॉय एअर पिस्तूल व रायफल, वॉर मेमोरियलचे फोटो आदी जप्त करण्यात आले. आरोपी महिला अनेक ठिकाणी कॅप्टन म्हणून स्वतःची ओळख सांगून फिरत होती. प्रकरणात पुणे येथील दक्षिण कमांड मिलिटरी इंटेलिजन्सच्या पथकाने रेकी केल्याचे कळते.
कोण आहे रुचिका जैन?
रुचिकाने धरमपूरमध्ये एक मंदिर स्थापन केले आहे. या ठिकाणी मोठ्या संख्येने भाविक दर्शनासाठी येतात. लष्करी अधिकारी असल्याचे सांगणारी रुचिका लोकांना भविष्य देखील सांगत होती. लष्करात अधिकारी असल्याने परिसरातील शाळा, महाविद्यालयात तिला आदराने बोलावत होते. मागील दोन-तीन महिन्यांपासून गुप्तचर यंत्रणा रुचिकावर पाळत ठेवून होती. उत्तर प्रदेशातील रहिवासी असणाऱ्या रुचिकाने गेल्या 10 ते 15 वर्षांत या भागात स्वतःचे प्रस्थ निर्माण केले आहे. ती आलिशान गाडीमध्ये फिरत होती आणि तिचे या भागात मोठे घर देखील आहे.