तलावाच्या काठावर तिघांचे कपडे दिसले, संशय आला अन् थेट उड्या घेतल्या, ‘ते’ दृश्य पाहून गाव हादरलं

‎छत्रपती संभाजीनगर : नाथषष्ठीमुळे शाळेला सुटी असल्याने आनंदाने पोहायला गेलेल्या तीन चिमुकल्यांचा तलावात बुडून दुर्दैवी मृत्यू झाल्याची हृदयद्रावक घटना समोर आली आहे. तालुक्यातील नानेगाव-जंजाळा रस्त्यावरील गट क्र. 154 मधील तलावात बुडून तीन शालेय विद्यार्थ्यांचा करुण अंत झाला. सोमवारी सकाळी 10 वाजेच्या सुमारास ही घटना उघडकीस आली. तब्बल 9 तासांच्या अथक प्रयत्नांनंतर गावकऱ्यांच्या मदतीने सायंकाळी 7 वाजता तिन्ही मुलांचे मृतदेह तलावातून बाहेर काढण्यात आले. या दुर्घटनेत दोन सख्ख्या भावांचा समावेश असल्याने संपूर्ण परिसरात हळहळ व्यक्त केली जात आहे.