TRENDING:
याबाबत मिळालेल्या माहितीनुसार, तुळजापूर येथील तुळजाभवानी देवी ही साडेतीन शक्तीपीठांपैकी एक आहे. महाराष्ट्र आणि राज्याबाहेरील अनेक लोकांची ती कुलदेवता आहे. त्यामुळे नवरात्रीच्या काळात या ठिकाणी लाखोंच्या संख्येने भाविक दर्शनासाठी येतात. काही भाविक गर्दी टाळण्यासाठी विशेष पास घेऊन दर्शन घेतात. आता मंदिर संस्थानाने या फासची फी दुप्पट करण्याचा निर्णय घेतला आहे.
advertisement
येत्या 20 सप्टेंबरपासून तुळजापूरमध्ये पास दर्शनासाठी नवे दर होणार आहेत. देणगी दर्शनाचा 500 रुपयांचा पास 1000 रुपयांना तर 200 रुपयांचा पास 300 रुपयांना करण्यात आला आहे. स्पेशल गेस्ट देणगी दर्शनासाठी 200 रुपयांचा पास दिला जात होता. आता या पाससाठी 500 रुपये मोजावे लागणार आहे. अभिषेक पूजेचे दर देखील 300 रुपयांवरून 400 रुपयांपर्यंत वाढवले आहेत.
तुळजापूर मंदिर संस्थाने अचानक हा निर्णय घेतला असून एक प्रसिद्धी पत्रक काढून याबाबत माहिती जाहीर केली आहे. दर्शनाचे दर कोणत्या कारणामुळे वाढवले याबाबत कोणताही खुलासा करण्यात आलेला नाही. मंदिर संस्थानला याबाबत विचारणा केली असता त्यांनी बोलण्यास नकार दिला. भाविकांना मात्र, ऐन नवरात्रीत दर्शनासाठी जास्त खर्च करावा लागणार आहे.