पालघर, ठाणे, मुंबई, रायगड, रत्नागिरी, सिंधुदुर्ग, धुळे, नंदुरबार, जळगाव, नाशिक, घाटमाथ्यावर आज मुसळधार पाऊस होणार आहे. या भागात ४० किमी वेगाने वारे वाहतील, विजांच्या कडकडाटासह मुसळधार पाऊस होईल असा इशारा देण्यात आला आहे. अहिल्यानगर, पुणे, कोल्हापुरातील काही भागात आज हलक्या ते मध्यम स्वरुपाचा पाऊस राहणार आहे.

'तो' सोनार नावाचा माणूस कोण? प्रांजल खेवलकर प्रकरणाला नवीन वळण, जळगाव पोलीसही शॉक!

advertisement

कोल्हापुरात घाटमाथ्यावर, सातारा, तळ कोकणातील काही भागांमध्ये मुसळधार ते अति मुसळधार पावसाचा इशारा देण्यात आला आहे. या जिल्ह्यांमध्ये ऑरेंज आणि रेड अलर्ट देण्यात आला आहे. छत्रपती संभाजीनगर, जालना, परभणी, हिंगोली, नांदेड, भंडारा, चंद्रपूर, गडचिरोली, नागपूर, वर्धा, वाशीम, यवतमाळ या जिल्ह्यांमध्ये हवामान विभागाने यलो अलर्ट दिला आहे.

पश्चिम महाराष्ट्रातील पुणे, कोल्हापूर, सातारा, सांगली, सोलापूर या जिल्ह्यांत हलक्या ते मध्यम स्वरूपाच्या पावसाची शक्यता वर्तवण्यात आली आहे. पुणे आणि कोल्हापूर घाटमाथा परिसरात मुसळधार पावसाची शक्यता असल्याने यलो अलर्ट जारी करण्यात आला आहे. सातारा घाटमाथा परिसरात मुसळधार ते अति मुसळधार पावसाची शक्यता वर्तवण्यात आली आहे. याठिकाणी पावसाचा ऑरेंज अलर्ट जारी करण्यात आला आहे.