Jalgaon : राजमल लखीचंद ज्वेलर्सवर ईडीचा छापा, 46 तास चौकशीनंतर लाखोंचा ऐवज जप्त

ईडीने तब्बल 46 तास आर एल समूहाच्या ज्वेलर्सची चौकशी केली. आर एल समुहाचे 90 लाख रुपये रोख व ज्वेलर्समधील सोने फ्रीज केले आहे. शुक्रवारी रात्री 12 वाजेच्या सुमारास ईडीच्या पथकाकडून आर्थिक व्यवहाराचे दस्तावेज व इतर महत्त्वाचे दस्तावेज ताब्यात घेण्यात आले आहेत. आर एल ज्वेलर्सची रोख रक्कम, सोने व ताब्यात घेण्यात आलेली आर्थिक दस्तावेज जळगावमधील एसबीआय बँकेच्या मुख्य शाखेत ईडी कडून जमा करण्यात येणार असल्याची माहिती सूत्रांनी दिलीय.

advertisement

आईने हात पकडले, भावाने पाय पकडले अन् बापाने दाबला तरुणीचा गळा; धक्कादायक कारण समोर

एसबीआयकडून कोट्यवधींचे कर्ज घेतल्या प्रकरणी सक्तवसुली संचालनालयाने दोन दिवस राजमल लखीचंद ज्वेलर्सवर छापा टाकला. छाप्यानंतर ज्वेलर्सचे संचालक, माजी खासदार ईश्वरलाल जैन आणि त्यांचे पुत्र माजी आमदार मनीष जैन यांना समन्स बजावण्यात आले आहेत.

राजमल लखीचंद ज्वेलर्सने एसबीआयकडून ५०० कोटींपेक्षा जास्त कर्ज घेतले होते. ४ टक्के व्याजाने घेतलेलं हे कर्ज वसूल करताना बँकेकडून नियमबाह्य व्याज वाढवून अतिरिक्त कर लावल्याचा आणि थकबाकी वाढवून दिल्याचा दावा ईश्वरलाल जैन यांनी केलाय.