TRENDING:
वडीगोद्री येथे धुळे-सोलापूर महामार्ग लगत स्टेट बँकेची शाखा आहे. या ठिकाणी शटरचे कुलूप तोडून चोरट्यांनी आत प्रवेश केला. यानंतर लॉकरचे बाहेरील काही दरवाजेही तोडले. परंतु, लॉकरचे मजबूत लोखंडाचे आवरण असल्याने ते तुटले नाही. बराच वेळ उलटूनही चोरट्यांना ते न तुटल्याने चोरटे पळून गेले. रविवारी सकाळी ही घटना उघडकीस आली आहे. चोरटे बँकेकडे येताना आणि जाताना सीसीटीव्ही कॅमेरात कैद झाले आहेत.
advertisement
गोरखीमुळे चोर पळाले
रात्रीच्या वेळी वडीगोद्री परिसरात काही गोरखी फिरत असतात. ते मोठ्याने काठ्या वाजवत फिरतात. दरम्यान, एक गोरखी रात्रीच्या वेळी फिरत होता. दरम्यान, चोरटे बँकेत घुसलेले होते. परंतु गोरखी काठ्या वाजवत येत असल्याने चोरटे पळून गेले. या गोरखीमुळे ही मोठी चोरी टळली आहे. त्यात दोन बुरखाधारी बँकेच्या मागील बाजूला असलेल्या ज्ञानगंगा इंग्लिश स्कूल येथील कॅमेऱ्यात कैद झाले असून पोलीस तपास सुरू आहे.