Samruddhi Mahamarg: एकापाठोपाठ 6 मृतदेह, समृद्धी महामार्गावर भयावह अपघात, 6 महिलांना ट्रकने चिरडलं

घटनेची माहिती मिळताच शिवसेनेचे आमदार अर्जुन खोतकर हे शासकीय रुग्णालयामध्ये पोहोचले होते. त्यांनी जखमी रुग्णांची माहिती घेतली. समृद्धी महामार्गावर भीषण आणि दु:खदायक घटना आहे. ६ जणांचा मृत्यू झाला आहे. तर ६ ते ७ जण जखमी झाले आहे. या महिला समृद्धी महामार्गावर काम करणाऱ्या होत्या. या अपघातात पिकअपचा चालक जखमी झाला आहे. मजुरांना घेऊन जाताना ट्रकने उडवलं अशी प्राथमिक माहिती समोर आली आहे. शासकीय रुग्णालयातील डॉक्टरांना सूचना करण्यात आली आहे, वैद्यकीय व्यवस्था तातडीने करण्यात आली आहे.  मृत महिला या समृद्धी महामार्गावर काम करणाऱ्या होत्या. त्यांचा अशा प्रकारे मृत्यू होणे ही दुर्दैवी घटना आहे. मृतांच्या नातेवाईकांना एमएमआरडीएकडून मदत मिळावी, अशी मागणी करण्यात आली आहे, अशी माहिती अर्जुन खोतकर यांनी दिली.