KDMC Elections : कल्याण-डोंबिवलीमध्ये पुन्हा गेम झाला, ठाकरेंनी तिकीट दिलेला उमेदवार शिंदेंच्या गळाला लागला!

कल्याण-डोंबिवली महानगरपालिका निवडणुकीमध्ये शिवसेना उबाठाने रामचंद्र गणपत माने उर्फ भीमा यांना पॅनल 30 (ड) मधून उमेदवारी दिली होती. पण आता रामचंद्र गणपत माने यांनी त्यांच्याविरुद्ध निवडणूक लढणारे अर्जुन बाबू पाटील आणि वॉर्ड क्रमांक 30 मधल्या महायुतीच्या सर्व उमेदवारांना पाठिंबा जाहीर केला आहे. या पाठिंब्याचं पत्र रामचंद्र माने यांनी दिलं आणि श्रीकांत शिंदे यांच्या उपस्थितीत डोंबिवलीमधल्या निवासस्थानी शिवसेनेमध्ये प्रवेश केला.

advertisement

रामचंद्र माने यांच्या पक्षप्रवेशावेळी शिवसेना सचिव भाऊसाहेब चौधरी, ज्येष्ठ नगरसेवक रमेश म्हात्रे, उपजिल्हाप्रमुख राजेश कदम, उमेदवार अर्जुन पाटील, ओम लोके, सागर जेधे आणि इतर पदाधिकारी उपस्थित होते. याआधी 30 ड मधील डॉ मनोज बामा पाटील यांनी अर्जुन पाटील यांना पाठिंबा दिला होता. आता अर्जुन पाटील यांच्यासमोर एकही उमेदवार निवडणूक लढणार नसून जे दोघे होते त्यांनी बिनशर्त पाठिंबा दिला आहे, त्यामुळे कल्याण-डोंबिवलीमध्ये शिवसेना ठाकरे पक्षाला धक्का बसला आहे.

कल्याण-डोंबिवलीमधील बिनविरोध उमेदवार

कल्याण डोंबिवलीत महायुतीचे सर्वाधिक 22 उमेदवार बिनविरोध निवडून आलेत. यात भाजपच्या 15 तर

शिवसेनेच्या 7 उमेदवारांचा समावेश आहे.