Kolhapur Nagarpalika: मोठी बातमी! कोल्हापुरात भाजप आणि काँग्रेसची युती, एकनाथ शिंदेना पुन्हा चकवा;राजकारण तापलं

कोल्हापुरातील शिरोळ आणि जयसिंगपूर नगरपालिकेत भाजप आणि काँग्रेस एकत्र आले आहेत. महादेव महाडिकांची ताराराणी आघाडी आणि सतेज पाटलांचा काँग्रेस गट एकत्रीतपणे निवडणुकीला सामोरे जात आहे. आमदार राजेंद्र पाटीस यड्रावकर यांच्या विरोधात शिरोळ तालुक्यात मोट बांधली आहे. राज्यामध्ये आणखी एका ठिकाणी शिवसेना शिंदे गटाला एकटे पाडण्यात आले आहे.

शिंदेची शिवसेना पुन्हा एकटी पडली?

advertisement

कोल्हापूर जिल्ह्याला काँग्रेस नेते आमदार सतेज पाटील आणि महाडिक गटाचे राजकीय वैर माहीत आहे. शिरोळ तालुक्यात ताराराणी आघाडी म्हणजेच भाजपचे पदाधिकारी राजकारणात सक्रिय आहेत. मात्र हे दोन परस्परविरोधी गट नगरपालिका निवडणुकांमध्ये एकत्र आले आहेत. गेल्या अनेक दिवसांपासून भाजपचे नेते आणि काँग्रेसचे नेते जयसिंगपूर आणि शिरोळ नगरपालिकांमध्ये आघाडी करणार असल्याच्या चर्चांना उधाण आले होते. अखेर आज अर्ज माघारीच्या काही तास अगोदर या प्रमुख नेत्यांनी बैठक घेत जयसिंगपूर विकास आघाडीच्या माध्यमातून ही निवडणूक चढवण्यात येणार असल्याचे समोर आले आहे.

राजकीय वर्तुळात मोठी खळबळ

शिवसेना शिंदे गटाचे आमदार राजेंद्र यड्रावकर हे महायुतीचे आमदार आहेत. मात्र स्थानिक भाजप पदाधिकाऱ्यांशी आणि जल्हाध्यक्ष राजवर्धन नाईक निंबाळकर यांच्याशी असलेल्या राजकीय वैरामुळे भाजपने त्यांच्या विरोधात भुमिका घेतली आहे. काँग्रेस आणि भाजपने एकत्र आल्याने राजकीय वर्तुळात मोठी खळबळ उडाली आहे.