मुलीशी अश्लील कृत्य करण्याचा प्रयत्न
मिळालेल्या माहितीनुसार, गणपती उत्सवाच्या दरम्यान या नराधम बापाने मुलीवर अत्याचार केला होता. मात्र, दोन दिवसांपूर्वी पुन्हा एकदा त्याने मुलीशी अश्लील कृत्य करण्याचा प्रयत्न केला. यावेळी मुलीच्या आईने हे कृत्य पाहिले आणि त्यानंतर तातडीने पोलिसांत धाव घेऊन तक्रार दाखल केली.
नराधम बापावर गुन्हा दाखल
advertisement
पीडित मुलीच्या आईच्या तक्रारीनंतर करवीर पोलीस ठाण्यात या नराधम बापावर गुन्हा दाखल करण्यात आला. घटनेचे गांभीर्य लक्षात घेऊन करवीर पोलिसांनी तात्काळ कारवाई करत या नराधम बापाला अटक केली आहे. पोलिसांनी त्याला ताब्यात घेतले असून घटनेचा पुढील तपास सुरू आहे. या घटनेमुळे संपूर्ण परिसरात हळहळ व्यक्त होत आहे.
अंगावर रॉकेल ओतून आत्मदहनाचा प्रयत्न
दरम्यान, दुसरीकडे कोल्हापूर जिल्हाधिकारी कार्यालयाच्या आवारात अंगावर रॉकेल ओतून आत्मदहनाचा प्रयत्न करण्यात आल्याची माहिती देखील समोर आली आहे. कागल तालुक्यातील बेनिग्रे गावातील आपल्या मालकीची झाड आणि शेड बांधकाम विभागाच्या अधिकाऱ्यांनी हेतू पुरस्कर पाडल्याचा आरोप शिक्षकाचा आहे. पोलिसांनी वेळीच रोखल्यामुळे मोठा अनर्थ टाळल्याचं पहायला मिळालं.