प्रशासकीय सेवेत जाण्याचं स्वप्न
सूची ही पहिलीत असतानाच आई अश्विनी बिद्रे यांची हत्या झाली होती. एवढ्या लहान वयात तिचं मातृछत्र हरपलं. पण सूचीने मोठ्या संघर्षमय काळात प्रतिकूल परिस्थितीवर मात करत जिद्दीने यश मिळवलं. यासाठी तिला वडील राजू गोरे यांनी नेहमीच प्रोत्साहन मिळालं. पुढे एमबीबीएसचं शिक्षण घेऊन नागरी सेवा परीक्षांच्या माध्यमातून प्रशासकीय अधिकारी होण्याचा तिचा मानस आहे.
advertisement
सगळ्याच विषयांमध्ये 35 टक्के मार्क कसे पडले? अभ्यास कसा केला? सोलापूरच्या पोराने सगळं सांगितलं...
अश्विनी बिद्रे हत्या प्रकरण
सहाय्यक पोलीस निरीक्षक अश्विनी बिद्रे यांच्या हत्या प्रकरणाने संपूर्ण राज्यात खळबळ उडवून दिली होती. अश्विनी या मुळच्या हातकणंगले तालुक्यातील आळते येथील रहिवासी होत्या. 2005 मध्ये त्यांचं गावातील आनंद गोरे यांच्याशी लग्न झालं होतं. पुढे वर्षभरातच त्या स्पर्धा परीक्षा पास झाल्या होत्या. 2006 मध्ये पोलीस सेवेत भरती झालेल्या अश्विनी यांचं सुरुवातीला पुण्यात आणि नंतर सांगलीत पोस्टिंग होतं.
11 एप्रिल 2016 रोजी त्या अचानक बेपत्ता झाल्या. त्यानंतर दीड वर्षांनी त्यांचा खून झाल्याचं तपासात समोर आलं. तर मृतदेहाचा पत्ता कळण्यासाठी अडीच वर्षांचा काळ गेला. पोलिसांनीच केलेला गुन्हा उलगडण्याचं आव्हान पोलिसांसमोर होतं. शेवटी मुख्य आरोपी अभय कुरुंदकर आणि त्याच्या दोन साथीदारांना न्यायालयानं दोषी ठरवलं.