धाराशिवमधील साखर कारखान्यात ही ऑनलाईन फसवणूक झाल्याचा प्रकार घडला आहे. धाराशिव कारखान्याचे चेअरमन असल्याचे भासवत 1 कोटी 10 लाखांची ऑनलाइन फसवणूक झाली असून चोराखळी येथील कारखान्याचे एमडी तसेच अभिजीत पाटलाचे बंधू अमर पाटील असल्याचे भासवले.
तसेच अमर पाटील यांचा फोटो डीपीला ठेवत धाराशिव कारखान्याचे बाबासाहेब कचरु वाडेकर यांना फोनवर आणि व्हाट्सअपवर बोलत कारखान्याच्या अकाउंटवरून एक कोटी दहा लाख रुपये ट्रान्सफर करायला लावले.
advertisement
बाबासाहेब वाडेकर यांनी ते पैसे कारखान्यातूनच आरटीजीएस केले पण दुसऱ्या एका कर्मचाऱ्याने अमर पाटील यांना याबाबत कल्पना दिली. त्यानंतर हा सगळा प्रकार समोर आला. वाडेकर यांच्या तक्रारीवरून धाराशिव सायबर पोलिसात फसवणुकीचा गुन्हा दाखल करण्यात आला आहे.
कोण आहे आमदार अभिजीत पाटील?
अभिजीत पाटील हे राष्ट्रवादी काँग्रेस शरद पवार पक्षाचे आमदार आहेत
२०२४ विधानसभा निवडणुकीत माढा मतदारसंघातून ते निवडून आले आहेत
सारख उद्योगाशी त्यांचा चजवळचा संबंध आहे
बंद पडलेले साखर कारखाने त्यांनी विकत घेऊन ते यशस्वीपणे सुरू केले
लोकसभा निवडणूक काळात त्यांच्यावर आयकर विभागाच्या धाडीही पडल्या होत्या
त्यामुळे ते चर्चेत आले होते, परंतु विधानसभा काळात त्यांनी राष्ट्रवादी शरद पवार गटातून निवडणूक लढवली