मतदानाचा टक्का वाढवण्यासाठी लातूरमधील कापड दुकानाची मतदारांसाठी खास ऑफर
लातूर शहर महानगरपालिकेच्या निवडणुकीत मतदानाचा टक्का वाढवण्यासाठी शहरातील द्वारकादास शामकुमार कापड दुकानाच्या मतदान करून आलेल्या मतदारांसाठी विशेष सवलतीची ऑफर जाहीर करण्यात आली होती. या उपक्रमांतर्गत, मतदान करून येणाऱ्या पहिल्या १५१ महिला मतदारांना दीड हजार रुपये किमतीची साडी अवघ्या १०० रुपयांत देण्यात आली, तर पहिल्या १५१ पुरुष मतदारांना १,००० रुपये किमतीची सफारी केवळ १०० रुपयांत उपलब्ध करून देण्यात आली. या आकर्षक ऑफरचा लाभ घेण्यासाठी लातूर शहरातील अनेक नागरिकांनी सकाळपासूनच मतदान केंद्रांवर मतदान गर्दी करून थेट द्वारकादास श्यामकुमार दुकानाकडे धाव घेतली.
TRENDING:
