TRENDING:
देवेंद्र फडणवीस यांनी मुख्यमंत्री म्हणून सूत्रे हातात घेतल्यापासून गेल्या वर्षभरात बदल्यांचा धडाका सुरू आहे. प्रत्येक १०-१५ दिवसाला ८-१० सनदी अधिकाऱ्यांच्या बदल्या होत आहेत. बदल्यांच्या धडाक्याची परंपरा या आठवड्यात देखील अबाधित आहे.
कोणकोणत्या IAS अधिकाऱ्यांच्या बदल्या?
१) श्रीधर दुबे (IAS:SCS:२०१४) व्यवस्थापकीय संचालक, महाराष्ट्र राज्य सहकारी विपणन महासंघ, मुंबई यांची आयुक्त अन्न आणि औषध प्रशासन, मुंबई म्हणून नियुक्ती करण्यात आली आहे.
advertisement
२) सत्यजित बडे अतिरिक्त मुख्य कार्यकारी अधिकारी, जिल्हा परिषद, रायगड यांची अपंग व्यक्तींसाठी आयुक्त, पुणे म्हणून नियुक्ती करण्यात आली आहे.
३) डॉ. सुनील भोकरे निवड (Non-SCS), DOPT, अधिसूचना २८.०१.२०२६ रोजी नियुक्ती महाराष्ट्र एड्स नियंत्रण सोसायटी, मुंबई यांचे प्रकल्प संचालक, शहरी आरोग्य, मुंबई येथे आयुक्त, मुंबई म्हणून नियुक्ती करण्यात आली आहे.
४) श्री राहुल कुलकर्णी निवड (Non-SCS), DOPT, अधिसूचना दिनांक २८.०१.२०२६ सहसचिव, गृह विभाग, मंत्रालय, मुंबई यांना महाराष्ट्र राज्य सहकारी विपणन महासंघ, मुंबईचे व्यवस्थापकीय संचालक म्हणून नियुक्त करण्यात आले आहे.
चार दिवसांपूर्वीच दोन IAS अधिकाऱ्यांच्या बदल्या
ज्येष्ठ सनदी अधिकारी मनिषा म्हैसकर पाटणकर आणि मिलिंद म्हैसकर यांच्या बदल्यांचे निर्णय शुक्रवारी सायंकाळी जारी करण्यात आले होते. मनिषा म्हैसकर पाटणकर यांची बदली अपर मुख्य सचिव (गृह), गृह विभाग, मंत्रालय, मुंबई या पदावर डॉ. आय. एस. चहल, भाप्रसे यांच्या सेवानिवृत्तीमुळे रिक्त होत असलेल्या जागी केली आहे. मनिषा म्हैसकर पाटणकर यांच्या जागी मिलिंद म्हैसकर, भाप्रसे यांची नियुक्ती केली आहे