TRENDING:
अलिकडच्या काळात राज्य परिवहन बसचालक गाडी चालवत असताना मोबाईल वापरत असल्याच्या अनेक घटना समोर आल्या आहेत. याबाबतचे व्हिडीओ सोशल मीडियावर व्हायरल झाल्याने लोकांमधून तीव्र प्रतिक्रिया उमटल्या आहेत. मोबाईल वापरू नये अशा वेळोवेळी सूचना दिल्यानंतरही असे प्रकार घडणे ही गंभीर बाब असल्याचं राज्य परिवहन महामंडळाने म्हटलं आहे.
मोटार वाहन कायद्यानुसार वाहन चालवताना मोबाईल वापरण्यास बंदी आहे. एसटी प्रवास हा सुरक्षित प्रवास म्हणून ओळखला जातो. हा दावा भक्कम करण्यासाठी चालकांनी वाहन चालवण्याचे नियम काटेकोरपणे पाळण्याची आवश्यकता आहे असंही राज्य परिवहन महामंडळाने म्हटलं.
advertisement
वाहन चालवताना मोबाईलचा वापर करण्यास बंदी घातली आहे. चालकांकडे मोबाईल असल्यास तो वाहकाकडे द्यावा असंही सांगण्यात आलं आहे. विनावाहक गाडी असल्यास चालकांनी आपला मोबाईल बॅगमध्ये ठेवावा. फक्त मोबाईलच नव्हे तर हेडफोन आणि ब्लूटूथसुद्धा वापरू नये असे निर्देश परिपत्रकात देण्यात आले आहेत. बस चालकांना वाहन चालवताना मोबाईल वापरण्यास बंदी घातल्याने अपघात नियंत्रणास मदत होईल आणि तक्रारीला संधी मिळणार नाही अशी अपेक्षा व्यवस्थापकीय संचालकांनी व्यक्त केलीय.