Nagpur : मराठा समाजाला कुणबी प्रमाणपत्र देण्याच्या मागणीला विरोध, कुणबी-ओबीसींचं आंदोलन

नागपूरमध्ये ओबीसी नेत्यांनी साखळी उपोषण केलं आहे. १७ सप्टेंबरला ओबीसींचा जिल्हाधिकारी कार्यालयावर मोर्चाही काढण्यात येणार आहे. ओबीसी समाजाकडून त्यांच्या आरक्षणाला धक्का लागणार नाही असं लेखी आश्वासन द्या अशी मागणी यावेळी करण्यात आली. मराठा समाजाला ओबीसी मधून आरक्षण देणार नाही, याचं लेखी आश्वासन मिळेपर्यंत आंदोलन सुरूच ठेवणार असा इशाराही ओबीसी नेत्यांनी दिलाय.

advertisement

मराठा समाजाला कुणबी प्रमाणपत्र देण्यात यावं अशीही मराठा आंदोलकांची भूमिका आहे. मात्र हे प्रमाणपत्र देण्याच्या मागणी विरोधात कुणबी-ओबीसींनी आंदोलन सुरू केलं आहे. ‘जातीनुसार जनगणना करावी, ५२ टक्के ओबीसी समाजाला ५२ टक्के आरक्षण द्यावं. केंद्र सरकारने ५० टक्के आरक्षणाची मर्यादा वाढवावी अशी मागणी ओबीसी आंदोलकांनी केलीय.