ऐन निवडणुकीच्या रणधुमाळीत गुजरात पोलिसांची नांदेडमध्ये मोठी कारवाई, तरुणाला घेतलं ताब्यात, पाकिस्तान कनेक्शन समोर

घटनेबाबत अधिक माहिती अशी की, नांदेड जिल्ह्यातल्या नायगाव तालुक्यातील नरसी येथील एका 18 वर्षीय तरुणाला गुजरात पोलिसांनी ताब्यात घेतलं आहे. या तरुणाचं पाकिस्तान कनेक्शन असल्याचा संशय आहे. हा तरुण पाकिस्तान येथील जैश बाबा राजपूत या व्हॉट्सअप ग्रुपचा सदस्य होता. पाकिस्तान येथील वकास आणि सरफराज हे दोघे या ग्रुपचे ॲडमिन आहेत. या ग्रुपमध्ये सुरत येथील सोहेल आणि बिहार राज्यातील शहनाज हेआणखी दोन तरुण देखील सहभागी होते.

advertisement

भारतातील या तिघांनी अनेक हिंदुत्वादी संघटनांच्या लोकांना जीवे मारण्याची धमकी दिल्याचा आरोप आहे. याच प्रकरणात नांदेडच्या या तरुणाला चौकशीसाठी गुजरात पोलिसांनी ताब्यात घेतल्याची माहिती समोर आली आहे. या घटनेनं खळबळ उडाली आहे.