निवडणुकीसाठी तयारी पण मुद्दाम कानाडोळा, नांदेडमध्ये काँग्रेसची अंतर्गत गटबाजी चव्हाट्यावर

काँगेसची उमेदवारी देण्याच्या अटीवरच खतगावकर यांनी भाजप सोडून काँग्रेसमध्ये प्रवेश केला. मात्र नायगाव मतदारसंघातूनच काँग्रेस अंतर्गत मीनल खतगावकर यांना विरोध असल्याचे स्पष्ट झाले.

नायगाव मतदारसंघ हा दिवंगत खासदार वसंत चव्हाण यांचा बालेकिल्ला आहे. त्यामुळे चव्हाण कुटुंबाला आपल्या बालेकिल्ल्यात स्पर्धक नको असल्याने खतगावकर यांना टाळले जात असल्याचे चित्र आहे. दरम्यान शोकसभेच्या बॅनरवर खतगावकर यांचे फोटो अनावधानाने लावले गेले नाही, असे उत्तर दिवंगत खासदार वसंत चव्हाण यांचे चिरंजीव रवींद्र चव्हाण यांनी दिले.

advertisement

या कार्यक्रमाचे रितसर निमंत्रण भास्कराव पाटील खतगावकर यांना देण्यात आले होते. मात्र ते बाहेरगावी असल्याने कार्यक्रमाला उपस्थित राहिले नाही, असे रवींद्र चव्हाण यांनी सांगितले दुसरीकडे भास्करराव पाटील खतगावकर आणि मीनल पाटील खतगावकर यांची या कार्यक्रमाला अनुपस्थिती चर्चेचा विषय ठरली.

खतगावकर यांच्या काँग्रेस प्रवेशाने भाजपला मोठा धक्का

भारतीय जनता पक्षाला काँग्रेसने मोठा धक्का देत नांदेड जिल्ह्यात मोठे खिंडार पाडले. नांदेडचे माजी खासदार, भाजपा नेते भास्करराव पाटील खतगावकर, माजी आमदार ओमप्रकाश पोकर्णा, युवा नेत्या डॉ. मीनल पाटील खतगावकर यांनी 20 सप्टेंबरला काँग्रेस प्रदेशाध्यक्ष नाना पटोले यांच्या हस्ते आणि माजी मंत्री अमित देशमुख यांच्या उपस्थितीत काँग्रेस पक्षात प्रवेश केला.

भास्कराव पाटील खतगावकर यांच्या प्रवेशाने नांदेड जिल्ह्यातील काँग्रेस संघटनेला आणखी बळ मिळेल व विधानसभा निवडणुकीत नांदेड जिल्ह्यातूनही काँग्रेसचे जास्तीत जास्त उमेदवार निवडून येतील,असा विश्वास काँग्रेस प्रदेशाध्यक्ष नाना पटोले यांनी पक्षप्रवेशावेळी व्यक्त केला.