लाडक्या बहीणींचे पैसे पोहोचले थेट सीएसी सेंटर चालकाच्या खात्यात, नांदेडमध्ये लाखो रुपयांचा घोटाळा

ही घटना नांदेड जिल्ह्यातल्या हदगाव तालुक्यातील मनाठा येथील आहे. सीएससी सेंटर चालकानं आधार कार्डाचा दुरपयोग करून लाखो रुपये उकळले आहेत. या सीएसी सेंटर चालकांनी लाभार्थी महिलांच्या पतींना रोजगार हामीचे पैसे आल्याचं सांगितलं. त्यानंतर त्यांचे आधार कार्ड आणि इतर कागदपत्रं घेण्यात आले. लाडकी बहीण योजनेसाठी अर्ज करणाऱ्या महिलांच्या अर्जावर त्यांच्या आधार क्रमांकाऐवजी त्यांच्या पतीचा आधार क्रमांक टाकण्यात आला.

advertisement

पतीच्या खात्यात पैसे जमा झाले, मात्र या सीएसी सेंटर चालकानं रोजगार हामीचे पैसे असल्याचं सांगून त्यांच्या खात्यातून ते परस्परच उकळले. यामध्ये लाखो रुपयांचा घोटाळा झाल्याचं समोर आलं आहे. घटना उघड होताच सीएसी सेंटर चालक पसार झाला आहे.