सातपूर आणि अंबड या औद्योगिक वसाहतींमध्ये कामगारांना अडवून लुटमार केली जाते, कुणाला धमकावले जाते. दुकानदारांकडून हफ्ते मागितले जातात. नकार दिला तर त्यांना मारहाण केली जाते. एकंदरित या परिसरात लोंढे गँगची दहशत मोठी आहे. राजकीय नेत्यांचा आशीर्वाद असल्याचे सांगून आम्हाला कुणीच हात लावू शकत नाही, असे लोंढे गँगमधील सदस्य अप्रत्यक्षपणे वागण्यातून सांगत होते. त्याच आरोपींचा माज नाशिक पोलिसांनी मोडला.
advertisement
लोंढे गँगला जबर दणका
प्रकाश लोंढेसह त्याचा मुलगा दीपक लोंढे गोळीबाराच्या गुन्ह्यात अटकेत आहेत. गोळीबार आणि खंडणीच्या अनेक प्रकरणांत त्यांचा सहभाग आहे. या टोळीने अनेकांना त्रास दिलेला आहे. प्रकाश लोंढे हा आहे आरपीआयचा उत्तर महाराष्ट्र प्रमुख आहे. मला कुणी काही करणार नाही, अशाच अविर्भावात तो वावरत असायचा. मात्र पोलिसांनी पुढेमागे न पाहता नाशिकची कायदा सुव्यवस्था बिघडवणाऱ्या लोंढे गँगला जबर दणका दिलाय.
प्रकाश लोंढे अटकेत असला तरी त्याचा पुत्र भूषण लोंढे अद्याप फरार असून पोलिसांकडून त्याचा शोध सुरू आहे. लोंढे गँगवर मकोका अंतर्गत कारवाई करून दिवाळीनंतरही नाशिक पोलिसांची फटाकेबाजी सुरूच आहे.
सातपूर गोळीबार प्रकरणी लोंढे गँगवर गुन्हा
प्रकाश लोंढे, दिपक लोंढे, संतोष पवार, अमोल पगारे यांच्यावर सातपूर येथील गोळीबाराचा गुन्हा दाखल करण्यात आला आहे. गोळीबारात जखमी मेश्राम कुटुंबाचे अपहरण केल्याप्रकरणीही गुन्हा दाखल करण्यात आला आहे.