आईवडिलांसह दुचाकीवरून जात होता चिमुकला, अचानक ओरडला, रक्तानं शर्ट भिजला, संक्रांतीला भयंकर घडलं

Nashik News: मकर संक्रांतीच्या काळात एका चिमुकल्याचा जीव थोडक्यात वाचला. पण त्याच्या गळ्याला 20 टाके पडलेत.

नाशिक: मकर संक्रांतीला अनेकजण पतंग उडवत असतात. परंतु, हेच कुणाचं पतंग उडवणं एखाद्याच्या जीवावर देखील बेतू शकतं. असाच काहीसा प्रकार नाशिकमध्ये मकर संक्रांतीच्या आदल्या दिवशी घडला आहे. आई-वडिलांसोबत दुचाकीवर बसून घराकडे निघालेल्या सहा वर्षीय झिदान अल्ताफ शेख याचा अचानक गळा चिरला. मंगळवारी शहरातील सत्कार पॉइंटजवळ ही दुर्घटना घडली. यामध्ये चिमुकल्याचे प्राण वाचवण्यात डॉक्टरांना यश आलं पण गळ्यावर 20 टाके घालावे लागले.

आईवडिलांसह दुचाकीवरून जात होता चिमुकला, अचानक ओरडला, रक्तानं शर्ट भिजला, संक्रांतीला भयंकर घडलं (Ai Photo)

विहितगावच्या लक्ष्मणनगरात राहणारे गॅरेज मालक अल्ताफ शेख हे पत्नीसह मुलगा झिदानला घेऊन नातेवाइकांकडे गेले होते. सायंकाळी विहितगावकडे परतताना शेख दुचाकी चालवत असताना, मुलगा पुढे बसलेला होता. अचानक नायलॉन मांजाने झिदानच्या गळ्यावर फास बसला आणि गळा खोलवर चिरून रक्ताची धार काढली. किंचाळत असलेल्या मुलाला पाहून वडिलांनी गाडी थांबवली. नागरिकांची गर्दी जमली आणि तात्काळ उपचारांसाठी रुग्णालयात नेण्यात आले.

‘तुम्ही माझ्या मुलीसारख्या..,’ जवळ यायचा अन् नको ते करायचा, संभाजीनगरात शिक्षकाचं धक्कादायक कांड

दरम्यान, आई-वडिलांच्या डोळ्यांतून अश्रू वाहत असताना, ‘बालंबाल वाचला!’ असा आशावाद जमलेले लोक व्यक्त करत होते. तर नायलॉन मांजाच्या वापराला बंदी असताना देखील तो वापरला जात असून त्यामुळे लोकांच्या जीवाला धोका निर्माण होत असल्याने संताप देखील व्यक्त केला जात आहे.