आईवडिलांसह दुचाकीवरून जात होता चिमुकला, अचानक ओरडला, रक्तानं शर्ट भिजला, संक्रांतीला भयंकर घडलं

नाशिक: मकर संक्रांतीला अनेकजण पतंग उडवत असतात. परंतु, हेच कुणाचं पतंग उडवणं एखाद्याच्या जीवावर देखील बेतू शकतं. असाच काहीसा प्रकार नाशिकमध्ये मकर संक्रांतीच्या आदल्या दिवशी घडला आहे. आई-वडिलांसोबत दुचाकीवर बसून घराकडे निघालेल्या सहा वर्षीय झिदान अल्ताफ शेख याचा अचानक गळा चिरला. मंगळवारी शहरातील सत्कार पॉइंटजवळ ही दुर्घटना घडली. यामध्ये चिमुकल्याचे प्राण वाचवण्यात डॉक्टरांना यश आलं पण गळ्यावर 20 टाके घालावे लागले.