Petrol Price Hike: इराण-इस्रायल युद्धाचा फटका, गॅसनंतर पेट्रोल दरांचा भडका, कितीनं महागलं?

देशात गॅस दरवाढीनंतर पेट्रोलच्या दरात देखील वाढ करण्यात आली आहे. ‘स्पीड’ आणि ‘पॉवर’ सारख्या प्रीमियम पेट्रोलचे दर वाढले आहेत. आता स्पीड/पॉवर पेट्रोलसाठी प्रति लिटर 2.09 रुपये जादा मोजावे लागतील. त्यामुळे पूर्वीचा 111.68 रुपयांवरून हे दर 113.77 रुपयांवर गेले आहेत. तर साध्या पेट्रोलचे दर पूर्वीप्रमाणेच कायम आहेत.

मध्यपूर्वेतील युद्धाचा फटका कच्च्या तेलाच्या जागतिक मार्केटला बसत आहे. कच्च्या तेलाचे दर वाढल्याने इंधनाच्या किमती वाढत आहेत. इराण आणि इस्रायल संघर्ष अधिक तीव्र झाल्याने त्याचा तेलाचे उत्पादन आणि वितरणावर देखील परिणाम झाला आहे. त्यात गेल्या काही दिवसांत ऊर्जा प्रकल्पांवर हल्ले वाढले आहेत. त्यामुळे जागतिक तेल बाजारात अस्थिरता निर्माण झाली आहे.