Nashik Traffic: गुढीपाडव्याला त्र्यंबकेश्वरला जाताय? पोलिसांनी बंद केलेत मुख्य रस्ते; पर्यायी रस्ते कोणते?

नाशिक- त्र्यंबकेश्वर रोड परिसरात वाहतूक कोंडी टाळण्यासाठी नाशिक वाहतूक पोलिसांनी वाहतूकीच्या मार्गांमध्ये बदल केलेला आहे. पोलीस उपायुक्त किरिथिका सी.एम. यांनी याबद्दलची अधिसूचना जारी करत नाशिककरांना महत्त्वाचा सल्ला दिलेला आहे. गुढीपाडव्याच्या दिवशी अर्थात गुरूवारी दुपारी 12 ते रात्री 10 या वेळेमध्ये, सकाळ सर्कल ते महिंद्रा सर्कल या परिसरात व्हिक्टरी चौक ते सातपूर गाव कमान मार्गे जाणाऱ्या नाशिक- त्र्यंबकेश्वर रोडवरील दोन्हीही बाजूंनी जाणाऱ्या सर्व वाहनांना प्रवेश बंदी राहणार आहे. या मार्गासाठी नाशिकच्या वाहतूक पोलिसांनी वाहतूकदारांना पर्यायी मार्ग सुद्धा दिला. या काळात जाणाऱ्या सर्व वाहनांना पर्यायी मार्गाचा वापर करायचा आहे.

advertisement

नाशिककडून त्र्यंबकेश्वरकडे जाणारी वाहतूक सकाळ सर्कल, अचानक चौक, पंढरीनाथ गांगुर्डे मार्ग, महावितरण कार्यालय, नाशिक ऑक्सिजन कंपनी, बॉश कंपनी, महिंद्रा सर्कल आणि पपाया नर्सरी मार्गे वळवली जाणार आहे. या मार्गावर दुहेरी वाहतूक सुरू राहिल. भवानी माता उत्सव आणि बारागाड्या ओढण्याच्या कार्यक्रमादरम्यान, नाशिककरांची गैरसोय होऊ नये, या दृष्टीने वाहतूक मार्गात बदल करण्यात आला आहे. दरम्यान, या काळामध्ये नाशिक वाहतूक पोलि‍सांना सहकार्य करण्याचे आवाहन करण्यात आले आहे. दरम्यान, वाहतूक पोलिसांनी दिलेल्या नियमांचे पालन न करणाऱ्या वाहतूकदारांवर पोलीस कारवाई करणार असल्याचे वाहतूक पोलीस उपायुक्त किरिथिका सी. एम. यांनी सांगितले आहे.