राज्यातील तिसऱ्या आघाडीसोबत मार्क्सवादी कम्युनिस्ट पक्षानं यावं अशी ऑफर प्रकाश आंबेडकर यांनी माकपचे नेते जे. पी गावित यांना दिली आहे. पेसा अंतर्गत सुरू असलेल्या आंदोलनस्थळी जे पी गावित यांची भेट घेण्यासाठी आले असताना प्रकाश आंबेडकरांनी यावेळी मार्क्सवादी कम्युनिस्ट पक्षाला तिसऱ्या आघाडीसोबत येण्याची ऑफर दिली आहे. गेल्या काही दिवसांपासून पेसा अंतर्गत भरती प्रक्रिया सुरू करावी, या मागणीसाठी जे पी गावित उपोषणाला बसले आहेत. त्यांची प्रकाश आंबेडकर यांनी भेट घेतली.
advertisement
जे पी गावित यांची प्रतिक्रिया
'येत्या 28 तारखेला राज्यातील सर्व आदिवासी पात्र उमेदवार नाशिकमध्ये येणार आहेत.
28 तारखेला मोठं आंदोलन करण्याची भूमिका घेणार आहे. 28 तारखेपर्यंत पेसा अंतर्गत भरती बाबत निर्णय नाही झाला, तर मुख्यमंत्र्यांच्या दारी देखील मोर्चा जाईल. प्रकाश आंबेडकर यांच्या ऑफरबाबत माकपच्या वरिष्ठ नेत्यांशी चर्चा करू असं गावित यांनी म्हटलं आहे.