अशातच, नाशिकमध्ये गेली १९ वर्षं पारंपरिक फराळ तयार करून देणारे मालपाठकर बंधू त्यांच्या खास फराळ स्टोलसह पुन्हा तयार आहेत. पंचवटीतील अशोक स्तंभाजवळील यांचे “मालपाठकर फराळ सेंटर” दिवाळीत खास लोकप्रिय आहे. विशेष म्हणजे, त्यांच्या दुकानात मिळणाऱ्या पारंपरिक भाजणीच्या कुरकुरीत चकलीची प्रचंड मागणी असते. ही चकली ते पारंपरिक पद्धतीने आपल्या ग्राहकांसमोर बनवतात, ज्यामुळे ताजेपणा आणि गुणवत्तेची हमी मिळते.
advertisement
दिवाळीच्या काळात, यांच्याकडे चिवडा, बेसन आणि बुंदीचे लाडू, शंकरपाळे, अनारसे, करंजी आणि इतर पारंपरिक पदार्थ देखील उपलब्ध असतात. ग्राहकांना गरमागरम, आपल्या डोळ्यांसमोर बनलेले पदार्थ मिळावेत याची ते विशेष काळजी घेतात. लोकांना आवडत असलेल्या या पदार्थांच्या चवीमुळे दिवाळीत त्यांच्या स्टोलवर गर्दी वाढत जाते.
मालपाठकर बंधूंच्या मते, दिवाळीच्या काही आठवडे आधीच ते स्टोल सुरू करतात आणि चवीत कोणतीही तडजोड न करता, उच्च दर्जाचे पदार्थ ग्राहकांना पुरवतात. ग्राहकांच्या चवीला खरा फराळ मिळावा म्हणून ते पारंपरिक रेसिपींचा वापर करतात. शिवाय, कोणत्याही पदार्थामध्ये कोणाला त्रास होणार नाही, यासाठी ते अतिरिक्त खबरदारी घेतात. त्यामुळे, दिवाळीसाठी नाशिकमध्ये खास फराळ घेण्यासाठी मालपाठकर बंधूंच्या स्टोलवर जाणे हा एक अनिवार्य भाग बनला आहे.