मोबाईल चोरीच्या संशायातून तरुणाची हत्या
मोबाईल चोरीच्या संशयावरून चार ते पाच तरुणांनी अमर लोमटे या तरुणाला अमानुषपणे मारहाण केली. ही घटना जिल्ह्यातील ढोकी गावात घडली आहे. या मारहाणीत या तरुणाचा मृत्यू झाला असून या मृत्यू प्रकरणात चार आरोपी विरोधात ढोकी पोलिसात गुन्हा दाखल झाला आहे. याचा व्हिडिओ सोशल मीडियावर व्हायरल देखील झाला आहे. अगदी जनावरांना मारतात तसे या तरुणाला मारहाण केल्याचं व्हिडिओमध्ये दिसत आहे. अमर लोमटे याला उसाने, काठीने बेदम मारहाण करण्यात आली. अमरचे वडील राजेंद्र लोमटे यांच्या फिर्यादीवरून अक्षय इंगळे, संतोष वाघमारे, अकबर शेख, शंकर चौधरी या चार आरोपींविरोधात ढोकी पोलिसात गुन्हा दाखल केला आहे. ढोकी पोलिसांनी आरोपीला अटक केली आहे.
advertisement
माणुसकी ओशाळली
अमर लोमटे या तरुणाला ज्या प्रकारे मारहाण करण्यात आली आहे. ते पाहून कोणच्याही तळपायाची आग मस्तकात जाऊ शकते. व्हिडीओमध्ये अमरची पाठीवर काळेनिळे व्रण दिसत आहे. तो अर्धामेला झालेला असतानाही टोळक्याची मारहाण सुरुच होती. त्याला शिव्यांची लाखोली वाहिली जात होती. त्याच्या पाठिवर मीठ आणि पेट्रोल टाकण्याचं बोललं जात होतं. रात्रीच्या अंधारात बांधून अमरला मारहाण करण्यात आली. कपडे फाटेस्तोवर तरुणाला मारहाण केली. तो सोडण्याची विनवणी करतानाही, आरोपींच्या पाषणा हृदयाला पाझर फुटला नाही. कळस म्हणजे या सर्व घटनेचा मोबाईलमध्ये चित्रिकरण केलं जात होतं. सर्वजण विनोद करत होते. त्याला शिव्याशाप देत होते.
वाचा - अभिषेक घोसाळकरांच्या हत्येची ‘चावी’; मॅारिसनं थंड डोक्याने असा केला प्लॅन
हा व्हिडीओ व्हायरल झाल्यानंतर सर्वसामान्यांकडून संताप व्यक्त केला जात आहे. या प्रकरणात आरोपींवर कडक कारवाई करण्याची मागणी केली जात आहे. त्यामुळे पोलीस आता काय करतात हे पाहणे महत्त्वाचे ठरणार आहे.