Parbhani Winning Candidates: परभणी महानगरपालिकेतील नवे नगरसेवक, सर्व प्रभागातील विजयी उमेदवारांची यादी

परभणी: महानगरपालिका निवडणुकीच्या पहिल्या 16 प्रभागांचे निकाल हाती आले असून, यात शिवसेना (उद्धव बाळासाहेब ठाकरे) पक्षाने आपले वर्चस्व सिद्ध केले आहे. एकूण 69 जागांपैकी 26 जागांवर विजय मिळवत ठाकरे गटाने आघाडी घेतली आहे. तर दुसरीकडे काँग्रेस, भाजप आणि राष्ट्रवादी काँग्रेसमध्ये दुसऱ्या क्रमांकासाठी चुरस पाहायला मिळत आहे.

advertisement

राजकीय विश्लेषण: कोणाचे पारडे जड?

ठाकरे गटाचा 'क्लीन स्वीप': प्रभाग 2, 3, 8 आणि 12 मध्ये शिवसेना (उबाठा) पक्षाने सर्वच्या सर्व जागा जिंकून विरोधकांचा सुपडा साफ केला आहे. विशेषतः अल्पसंख्याक बहुल आणि मध्यमवर्गीय वस्त्यांमध्ये 'मशाल' जोरात धगधगली आहे.

भाजपची ठराविक प्रभागांत पकड: भाजपने प्रभाग 5 मध्ये 4-0 असा विजय मिळवून आपले वर्चस्व दाखवून दिले आहे. प्रभाग 15 मध्येही 3 जागा जिंकून भाजपने आपली ताकद कायम राखली असली, तरी इतर प्रभागांत त्यांना संमिश्र यश मिळाले आहे.

काँग्रेस आणि राष्ट्रवादीची झुंज: काँग्रेसने प्रभाग 11 मध्ये पूर्ण यश मिळवले आहे, तर राष्ट्रवादी काँग्रेसने प्रभाग 6 मध्ये 4-0 ने बाजी मारली आहे. दोन्ही काँग्रेसने आपापले बालेकिल्ले शाबूत ठेवण्याचा प्रयत्न केला आहे.

अपक्षांची एन्ट्री: प्रभाग 13 मध्ये अपक्षांनी महायुती आणि महाविकास आघाडी या दोन्ही मोठ्या आघाड्यांना धक्का देत 3 जागा खिशात घातल्या आहेत.

परभणी महानगरपालिकेतील विजयी उमेदवार यादी (Nashik Winning Candidates)