TRENDING:
पहिल्या पत्रकार परिषदेत रोहित पवार यांनी अपघाताच्या वेळेपासून ते विमान कोसळण्यापर्यंतच्या घटनाक्रमावर गंभीर प्रश्न उपस्थित केले होते. अपघात नेमका कसा झाला, सुरक्षेत त्रुटी होत्या का, काही गोष्टी दडपण्याचा प्रयत्न झाला का, याबाबत त्यांनी उपस्थित केलेल्या मुद्द्यांमुळे राजकीय वातावरण तापले होते. सत्ताधारी आणि विरोधकांमध्ये आरोप-प्रत्यारोपांची झाले होती. त्यानंतर या प्रकरणावर अनेक तर्क-वितर्क लावले जात असून, सोशल मीडियावरही चर्चांना उधाण आले आहे.
advertisement
राज्याचं लक्ष पत्रकार परिषदेकडे
याच पार्श्वभूमीवर रोहित पवार पुन्हा एकदा पत्रकार परिषद घेणार असल्याचे जाहीर झाल्याने राजकीय वर्तुळात प्रचंड उत्सुकता निर्माण झाली आहे. पहिल्या परिषदेत केलेल्या गौप्यस्फोटांनंतर आता आणखी कोणते धक्कादायक खुलासे होणार, याकडे सर्वांचे लक्ष लागले आहे. अपघातामागील खरे कारण, घटनास्थळी उपस्थित असलेले लोक, सुरक्षा व्यवस्थेतील त्रुटी, तसेच काही महत्त्वाच्या कागदपत्रांचा आणि पुराव्यांचा तपशील रोहित पवार समोर आणण्याची शक्यता वर्तवली जात आहे. सरकारी तपास यंत्रणा योग्य प्रकारे तपास करत नसल्याने रोहित पवार यांनी तपास करण्यासाठी खासगी गुप्तहेर संस्थेशी संपर्क साधल्याची माहिती समोर आली आहे
पत्रकार परिषदेतून कोणते नवे गौप्यस्फोट होणार?
ही पत्रकार परिषद केवळ माहितीपुरती मर्यादित न राहता, सत्ताधाऱ्यांवर दबाव वाढवणारी ठरण्याची शक्यता आहे. अजित पवार यांच्या अपघातावरून आधीच निर्माण झालेल्या संशयाच्या धुरळ्यात ही नवी परिषद आणखी खळबळजनक ठरू शकते. रोहित पवार यांच्या पत्रकार परिषदेतून कोणते नवे गौप्यस्फोट होणार, यावर पुढील राजकीय समीकरणे अवलंबून असणार आहेत. त्यामुळे परवा सकाळी होणारी ही पत्रकार परिषद केवळ औपचारिक न राहता, राज्याच्या राजकारणात नवा भूकंप करणार का, याकडे सर्वांचे डोळे लागले आहेत.
गुप्तहेरांची देखील घेणार मदत
दरम्यान रोहित पवार गेल्या आठवड्यात दिल्लीला गेले होते. राजधानी दिल्लीत त्यांनी दोन खासगी गुप्तहेर संस्थांची भेट घेतली. यातील एका गुप्तहेर संस्थेला या अपघाताच्या तपासाचं काम दिलं जाणार असल्याची माहिती समोर आली आहे. सरकारी तपास यंत्रणांवर रोहित पवार यांनी संशय व्यक्त केला होता. त्यानंतर त्यांनी हे खासगी गुप्तहेर संस्थांकडून या अपघाताचा तपास करून घेणार असल्याचं सांगितलं जात आहे.
हे ही वाचा :