प्राथमिक माहिती अशी की, सकाळच्या सुमारास कवलापूर कुमठे रोडवरील एस आर पेट्रोल पंपासमोर हा अपघात झाला. अपघातातील मयत भारगुडे कुटुंब हे मुळचे आटपाडी तालुक्यातील तळेगाव येथील आहेत. गेल्या काही वर्षांपासून हे कुटुंब सांगलीत राहत होते.
आज सकाळी जखमी विशाल म्हारगुडे हे पत्नी दिपाली मुलगा राजकुमार आणि सार्थक यांच्यासह दुचाकीवरून आटपाडी तळेवाडी येथे लग्न सोहळ्यासाठी चालले होते. कवलापूर कुमठे रोडवर पेट्रोल पंपासमोर अचानक समोरून प्रवासी वाहतूक करणाऱ्या जीपने दुचाकीला उडवले. यामध्ये स्वतः विशाल हे हेल्मेट घातल्यामुळे जखमी झाले तर पत्नीसह दोन मुलांचा जागीच मृत्यू झाला.
advertisement
अपघातानंतर जीप चालकाने तेथून पलायन केले. घटनेनंतर आजूबाजूच्या नागरिकांनी जखमींसह सर्वांना शासकीय रुग्णालयात दाखल केले. पोलिसांनी घटनास्थळी पोहोचून पंचनामा केला असून अज्ञाताविरोधात गुन्हा केलेला आहे. पोलीस तपास करीत आहेत.
हा अपघात इतका भीषण होता की दुचाकीचा चक्काचूर झाला. अपघातानंतर घटनास्थळावर नागरिकांनी मोठी गर्दी केली होती. जखमी विशाल यांना तत्काळ शासकीय रुग्णालयात दाखल केले आहे. सध्या त्यांची प्रकृती गंभीर असल्याची माहिती कळते आहे.