TRENDING:
अजित पवार यांच्या अपघाती निधनानंतर शरद पवार यांच्यावर मोठा आघात झाला. त्यानंतरचे काही दिवस त्यांची प्रकृती ठीक नव्हती. यादरम्यान त्यांच्यावर पुणे आणि मुंबईत उपचार करण्यात आले. आता शरद पवार यांची प्रकृती सावरत असून सार्वजनिक जीवनात सक्रीय होण्यासाठी ते उत्सुक असल्याचे संजय राऊत म्हणाले. पवारांच्या प्रकृतीची विचारपूस करण्यासाठी संजय राऊत यांनी त्यांची भेट घेतली.
advertisement
खरंच या माणसाची कमाल आहे!
"आदरणीय शरद पवार यांची भेट घेतली. मी त्यांच्या प्रकृतीची विचारपूस केली. साहेबांनी माझ्या प्रकृतीची विचारपूस केली. अनेक विषयांवर चर्चा झाली! राज्यात फिरण्याची त्यांची तयारी सुरू आहे झाली आहे. या माणसाची खरंच कमाल आहे", असे भेटीनंतर संजय राऊत म्हणाले. शरद पवार वयाच्या ८७ व्या वर्षीही महाराष्ट्र फिरण्यासाठी सज्ज असल्याचे सांगत त्यांच्या इच्छशक्तीचे राऊत यांनी कौतुक केले आहे.
राऊत-पवार यांचा जिव्हाळा
शिवसेना पक्ष आणि उद्धव ठाकरे यांची बाजू खमकेपणाने मांडणारे, महाविकास आघाडी सरकार बनविण्यात महत्त्वाची भूमिका बजावलेले, शिवसेनेत फूट पडल्यानंतर सोडून गेलेल्या सगळ्या नेत्यांना अंगावर घेऊन महाराष्ट्रात रान उठवणारे नेते, मुलूखमैदानी तोफ म्हणून संजय राऊत यांची ओळख आहे. परंतु भिन्न विचारसरणी असलेल्या पक्षात असूनही शरद पवार यांचे अतिशय निकटवर्तीय नेते म्हणून राऊत यांना ओळखले जाते. गेली अनेक दशके राऊत-पवारांनी जिव्हाळा जपला आहे.