Satara Accident: वडापाव खाण्यासाठी सज्जनगडावर ट्रिपलसीट गेले, मागून येणाऱ्या गाडीने घाटात उडवले; दोन सख्खे मित्र जागीच गेले

समोर आलेल्या माहितीनुसार, वडपाव खाण्याची इच्छा झाल्याने वेदांत आणि प्रज्वल सज्जनगडावर गेले. दुचाकीस्वाराकडून लिफ्ट घेऊन घरी परतताना या दुचाकीला पिकअप गाडीने पाठीमागून जोरदार धडक दिली. यात दोन जिवलग मित्र असलेल्या दोन्ही मुलांचा जागीच मृत्यू झाला. हे दोघेही सज्जनगडापासून अवघ्या पाच किलोमीटर अंतरावर असलेल्या आंबोडे बुद्रूक गावातील आहेत. दोघांची दहावीची परीक्षा नुकतीच दिली.

advertisement

गाडीने दिली मागून धडक

दोघेही लिफ्ट मागून गावातून सज्जनगडावर गेले होते. तेथे फिरून दोघांनी एकत्रच वडापाव खाल्ला आणि चालत घराकडे निघाले होते. वाटेतच त्यांना एक बाईक जाताना दिसली. त्यांनी त्यावरील चालकाला हात करून पुढे सोडण्यासाठी विनंती केली. बाईक चालकाने दोघांना गाडीवर बसवले. काही अंतरावरच घाट -वळण सुरू झाले, आणि पाठीमागून आलेल्या गाडीने त्यांच्या बाईकला जोरदार धडक दिली.