सातारा जिल्ह्यातील विधानसभा मतदारसंघात भाजपाची तिकीटे कोणाला मिळणार याची जोरदार चर्चा सध्या पाहायला मिळतीये. सातारा विधानसभेतून शिवेंद्रराजे भोसले, कराड दक्षिणमधून अतुल भोसले तर कराड उत्तरमधून मनोज घोरपडे यांच्या नावांवर शिक्कामोर्तब झाल्याच्या चर्चा राजकीय वर्तुळात आहेत.दुसरीकडे माण-खटाव मतदारसंघातून जयकुमार गोरे यांनाच भाजपाचे तिकीट मिळणार आहे. त्यांची उमेदवारी पहिल्या किंवा दुसऱ्या यादीत घोषित होईल, असेही बोलले जाते.
advertisement
उदयनराजे भोसले यांनी मनोज घोरपडे यांना भेटून त्यांना निवडणुकीच्या शुभेच्छा दिल्या. उदयनराजे भोसले यांनी दिलेल्या शुभेच्छांनंतर मनोज घोरपडे हे भाजपाचे कराड उत्तर मतदारसंघातून भाजपाचे उमेदवार फिक्स झाल्याच्या चर्चांनी जोर धरला आहे.
भाजपने 2019 ला धैर्यशील कदम यांना उमेदवारी दिली होती. त्यावेळी घोरपडे यांनी बंडखोरी केले होती. राष्ट्रवादी काँग्रेसकडून बाळासाहेब पाटील यांनी निवडणूक लढवली होती. कदम आणि घोरपडे यांना बाळासाहेब पाटील यांनी पराभूत केले होते. महाविकास आघाडी सरकारमध्ये बाळासाहेब पाटील यांनी सहकारमंत्री म्हणून काम पाहिले.
समाजवादी पक्षाकडून पाच उमेदवारांची घोषणा
समाजवादी पक्षाचे अध्यक्ष अखिलेश यादव आज महाराष्ट्र दौऱ्यावर आहेत. धुळ्यातील जाहीर सभेला संबोधित करताना त्यांनी महाराष्ट्र विधानसभा निवडणुकीसाठी पाच उमेदवारांच्या नावांची घोषणा केली. मुंबईतील मानखुर्दमधून अबू आजमी तर भिवंडी पूर्वमधून रईस शेख यांच्या नावांचा समावेश आहे. सध्याच्या विधानसभेमध्ये अबू आजमी आणि रईस शेख हे विद्यमान आमदार आहेत.
मानखुर्दमधून अबू आजमी
भिवंडी पूर्व रईस शेख
भिवंडी पश्चिम रियाज आजमी
मालेगाव शाने हिंद निहाल अहमद
धुळ्यातून इरशाद जहागिरदार