TRENDING:
महाराष्ट्राचे पहिले मुख्यमंत्री स्वर्गीय यशवंतराव चव्हाण यांच्या निधनानंतर शामराव अष्टेकर हे कराड उत्तर मधून आमदार म्हणून निवडून आले. विशेषतः पुणे येथील बालेवाडी क्रीडा संकुल उभारणीमध्ये त्यांचा मोठा वाटा होता. शामराव आष्टेकर हे शरद पवार यांचे निष्ठावंत अनुयायी म्हणून ओळखले जात. त्यांच्या राजकीय कारकिर्दीत त्यांनी कराड आणि सातारा परिसरातील क्रीडा आणि सामाजिक क्षेत्रात उल्लेखनीय काम केलं. त्यांच्या निधनामुळे कराड आणि सातारा जिल्ह्याच्या राजकीय व क्रीडा क्षेत्रात हळहळ व्यक्त केली जात आहे.
advertisement
दोन वेळा आमदार
शामराव आष्टेकर यांनी १९८५ आणि १९९० अशा २ वेळा कराड उत्तरचे प्रतिनिधित्व केलं होते. त्यांचा मोठा जनसंपर्क होता. कराडच्या स्थानिक राजकारणावरही त्यांची एकेकाळी पकड होती. आज सायंकाळी ६:३० वाजता वैकुंठधाम नवीपेठ पुणे येथे त्यांच्यावर अंत्यसंस्कार पार पडणार आहे