ठाणे महापालिकेच्या स्वयंचलित पाणीपुरवठा योजनेतील टेमघर जलशुद्धीकरण केंद्रात पावसाळ्यापूर्वी अत्यावश्यक देखभाल दुरुस्तीची कामे केली जातात. कंट्रोल पॅनलची दुरुस्ती आणि ट्रान्सफॉर्मर ऑइल फिल्ट्रेशन ही कामे बुधवारी 4 जून रोजी हाती घेतली जाणार आहेत. या कामांमुळे 4 जून रोजी सकाळी 9:00 ते रात्री 9:00 वाजेपर्यंत पाणीपुरवठा बंद राहील. या काळात नागरिकांना पाणी जपून वापरावं लागेल.
advertisement
Weather Alert: आता जोरदार पावसाला होणार सुरुवात, हवामान विभागाचा 7 जिल्ह्यांना यलो अलर्ट
पाणीपुरवठा बंद राहणारे भाग
ठाण्यातील घोडबंदर रोड, वर्तक नगर, रुस्तमजी, सिध्दांचल, समता नगर, ऋतू पार्क, जेल परिसर, गांधी नगर, सिध्देश्वर, इंटरनिटी, जॉन्सन आणि कळव्याच्या काही भागातील पाणीपुरवठा 4 जून रोजी बंद राहील. सकाळी 9:00 ते रात्री 9:00 या 12 तासांच्या कालावधीत पाणीपुरवठा पूर्णपणे बंद असेल. तर इतर भागांत स्टेम प्राधिकरणामार्फत झोनिंगद्वारे पाणीपुरवठा सुरू ठेवला जाईल.
दरम्यान, 12 तास पाणीपुरवठा बंद राहणार असल्याने पाणी जपून वापरा, असे आवाहन ठाणे महानगरपालिकेने केले आहे. याची नोंद ठाणेकरांनी घ्यावी आणि आवश्यक पाण्याची व्यवस्था करावी, अशा सूचना देखील करण्यात आल्या आहेत.