पेन ड्राईव्ह उद्धव ठाकरेंकडे, अरविंद सावंतांवर गंभीर आरोप, ठाकरे सेनेला धक्का, नेत्याचा राजीनामा

निहाल पांडे यांनी पत्रकार परिषदेत बोलताना ठाकरे सेनेतील काही नेते भाजपसोबत मिळून काम करत असल्याचा गंभीर आरोप केला. तसेच निवडणुकीत भाजपला थेट फायदा होईल अशा दिशेने योजना रचली जात असल्याचेही ते म्हणाले.

मुंबईतील एका जेष्ठ नेत्याकडून कुरघोडीचे राजकारण, त्याचा नाडा टाईट करण्याची वेळ

ठाकरे सेनेतील पाय खेचाखेचीच्या प्रवृत्तीला कंटाळून मी हा निर्णय घेतला. मुंबईतील एका जेष्ठ नेत्याकडून कुरघोडीचे राजकारण सुरू असून त्या नेत्याचा नाडा ढिल्ला झालाय आणि आता तो टाईट करण्याची वेळ आली आहे, असे म्हणत अरविंद सावंत यांचे नाव न घेता त्यांनी निशाणा साधला.

advertisement

उद्धव ठाकरेंकडे पेनड्राईव्ह जमा, राज समोर आले तर खळबळ उडेल

पांडे यांनी केलेल्या दाव्यानुसार, ठाकरे गटातील अनेक नेत्यांच्या बेकायदेशीर कामांचा पुरावा असलेली एक पेन ड्राईव्ह त्यांनी पक्षप्रमुख उद्धव ठाकरे यांच्याकडे जमा केली आहे. या पेन ड्राईव्हमधील राज उघड झाले, तर संपूर्ण महाराष्ट्रात खळबळ उडेल, असा इशाराही त्यांनी दिला.