कोल्हापूरात दोन आमदारांच्या घरी लगीनघाई, हळदीचा पहिला व्हिडीओ समोर

विवाहसोहळ्याच्या पूर्वसंध्येला दोन्ही आमदारांच्या निवासस्थानी हळदीचा कार्यक्रम उत्साहात पार पडला. आवाडे आणि यड्रावकर कुटुंबीय पारंपरिक वाद्यांच्या गजरात आणि हळदीच्या रंगात न्हाऊन निघाले होते. या सोहळ्याचे फोटो सध्या सोशल मीडियावर चांगलेच व्हायरल होत असून कार्यकर्त्यांमध्ये मोठा उत्साह पाहायला मिळत आहे. सानिका आवाडे या नुकत्याच जिल्हा परिषदेवर निवडून आल्या असून, त्या अध्यक्षपदाच्या प्रबळ दावेदार मानल्या जातात. दुसरीकडे अजय यड्रावकर हे देखील वडिलांच्या पावलावर पाऊल ठेवून राजकारणात सक्रिय आहेत.

advertisement

लग्नसोहळ्यासाठी कोण कोण उपस्थित राहणार? 

कोल्हापूरच्या पूर्व भागात आवाडे आणि यड्रावकर या दोन्ही घराण्यांचे मोठे वर्चस्व आहे. आवाडे घराण्याने पिढ्यानपिढ्या खासदारकी, आमदारकी आणि मंत्रिपदे भूषवली आहेत. आता या दोन ताकदवान घराण्यांच्या एकत्र येण्याने इचलकरंजी आणि शिरोळ पट्ट्यातील राजकीय समीकरणे अधिक मजबूत होणार आहे. या विवाहसोहळ्याला मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांच्यासह मंत्रिमंडळातील अनेक दिग्गज मंत्री उपस्थित राहून नवदाम्पत्याला आशीर्वाद देणार आहेत.

 सतेज पाटलांच्या घरी लगीनघाई

केवळ यड्रावकर-आवाडेच नव्हे, तर काँग्रेसचे विधान परिषद आमदार सतेज पाटील यांच्या घरीही लगीनघाई सुरू आहे. त्यांचे सुपुत्र तेजस यांचा विवाह  मार्च रोजी होणार आहे.